د.نيرمين فاروق حسن
Written By: DR. Nermeen Farouk Hassan
ذهبت اسحب من ماكينة ATM
بعد مادخل الكارت و كتبت الباسورد و المبلغ للسحب ظهر لي على الشاشة *برجاء الانتظار*
انتظرت .. والجملة لا تتغير، دقيقة اتنين تلاتة اربعة والموضوع طول عن العادي !
بدأت اقلق .. هي علقت ولا ايه ؟
هو الكارت كدا اتحشر ولا ايه ؟
وبدأت افكر لو الكارت مطلعش هعمل ايه ؟
طيب اتصرف ازاي وانا محتاجه فلوس ضروري ودلوقتي ؟
هل هتصل بالبنك يقولولي حل سريع اعمله وانا واقفه ؟؟!
ولا لازم اروح لأقرب فرع ؟
هل بمكالمة هيخرج الكارت أم لازم يرسلوا حد يخرجه ؟
ولا كده خلاص اصلا الكارت اتفقد وهلف مشاوير بقي عشان اطلع غيره !!
طب لو مشيت … هل ممكن يطلع المبلغ بعد ما امشي و حد ياخده؟؟ و ياخد الكارت كمان !
اسئلة كتير بتدور في بالي لان الماكينة مافيش اي اكشن غير جملة ” برجاء الانتظار “
وفجأة .. الكارت خرج .. !
ساعتها نسيت كل حاجة وخدته وخدت الفلوس ومشيت ولا كأن فيه حاجة اصلا .. وكل القلق و الاسئلة والتفكير اتبخروا من مخي كاني مفكرتش فيها من الاساس.
– احيانا بنتحط في مواقف صعبة و بايخة زي دي وننتظر حلول السما .. ولكن تفاجأ ان السما كتبالك ” برجاء الانتظار “… و بس
في المرحلة دي
بيجي في تفكيرنا مليون حاجة …. الأفكار بتقضي علي سلامنا و اعصابنا:
هانعيش ازاي
هانصرف ازاي
هانخف ولا لا
هانتقبل ولا لا
هانسافر ولا لا
هاننجح ولا لا
ربنا هايرزقنا ولا لا
مليون سؤال وسؤال بينهكونا .. مخاوف و افكار بتقتلنا، قلق الانتظار نفسه مؤلم و كلها بلا فايدة
فجأة بتتحل من عنده ف ثانية… و الاسئلة دي كلها بتسقط و تختفي قدام حلوله !
*يا من تقرأ أيها المهموم المنتظر .. كل ما انت فيه الان ليس الا مرحلة ” برجاء الانتظار “*
انتظر بيقين … انتظر بدون وحش القلق .. و تطرف الافكار .. انتظر و انت علي ثقة ان الكارت هيخرج مهما طال الانتظار، فقط انتظر … وسيبقى كل شئ على ما يرام.
*سيبها_علي_الله*
*وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ*
*توكلنا على الله وكفى بالله وكيلا*
و لا تنتظر شىء من أى أحد إلا من الله الواحد الأحد … و إهتم بمن يهتم بك …
أما البقية فرد التحية يكفي!!!!ك
DR. Nermeen Farouk Hassan
Dr. Nermo of Egypt
PhD Physical Education
Master’s Sport Physiology
High Diploma Sport Injuries
High Diploma Islamic Science
Bachelor Physical Education
Helwan University, Cairo – Egypt
Commissioner Egypt 2010 – 2024
CAF Commissioner 2016 – 2018
Lecturer at EDU Academy, Egypt
Lecturer at EFA & EPA
Pentaball & Football Referee
Press Writer in Our voice News, Celebrity Secrets, The International Day newspaper, Egypt & London